Францын Вангийн өргөөнөө эрдэм мэдлэгээрээ гайхагдсан эцэг хүү хоёр Пети де ла Круа байжээ. Эцэг нь Францын Вангийн шадар түшмэл, араб, түрэг хэлний орчуулагч нь байж. 1695 онд бие барахдаа ажил үүргээ хүүдээ өвлүүлэн үлдээсэн байна. Хүү нь мөн л алдартай дорно дахины судлаач болж, Сири, Перс, Түрэгийн нутгаар аялан, араб, перс, түрэг хэлэнд сайтар боловсорч, сурвалж бичиг орчуулснаас гадна өөрөө ч туурвижээ. Толилуулан буй энэхүү номыг үндсэндээ эцэг Пети де ла Круа нь арван жилийн туршид бичсэн бөгөөд хүү нь хожим хянан тохиолдуулж, хавсралт сэлтийг нэмэн дуусгасан байна.
Энэхүү ном нь судлаачдын хувьд хэд хэдэн зүйлээрээ сонирхолтой, үнэ цэнтэй юм.